Atlantic Petroleum hevur boðað frá árúrslitinum í fjør.
Tað var hall uppá 20,7 mió kr, sum skal samanberast við hall á 0,3 mió kr árið fyri.
Hallið stavar frá eini niðurskriving av virðunum í Orlando goymluni, og ikki frá vanligum virksemi, tí onki slíkt var í felagnum. Bruttovinningurin var 0.
Onki var brúkt til at leita eftir olju, men til umsiting hevði felagið 2,4 mió kr í útreiðslum.
Eginognin hjá felagnum er nú negativ við 116 mió kr.
Mark T. Højgaard, stjóri, sigur í stuttari viðmerking, at nú leggja tey dent á at finna loysnir á skuldini, sum partvís er til Betri Banka og partvís til restirnar av felagnum London Oil and Gas.
Um tú veitst okkurt, sum VP ikki veit - skriva so til vp@vp.fo
