Ofta býr fals undir fríðum skinni
- Føroyskt orðatak

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Fyrst er at gleðast um, at vit í hesum samgonguskeiðinum hava longt barsilstíðina til 52 vikur - tað er sera gott fyri familjuna.

Tað hevur sera stóran týdning fyri barnafamiljurnar, at barsilsskipanin verður meira fleksibul, soleiðis at fólk sjálvi kunnu leggja barsilstíðina til rættis.

Loftið hækkast til 27.000 kr.
Loftið á barsilsgjaldinum skal hækkast úr 25.000 kr. til 27.000 kr beinanvegin, og kann so líðandi hækka enn meira. Hettar uppskotið hevði okkara landsstýrismaður borið niðan í Løgtingið.

Meira fleksibilitet við eitt nú tvíburðum
Eisini eiga broytingar at gerast, tá talan er um meira enn eitt barn, eitt nú tvíburðar.  Tá er veruliga brúk fyri, at bæði kunnu fara í barsil í senn tað fyrstu tíðina. Tá er gott við fleksiblari skipan, sum tekur hædd fyri tí.

Barsil eftir loknan skúla
Eitt annað, sum skal hyggjast eftir, er, hvussu gerast kann í samband við, at  barnsburður er beint aftan á loknan skúla. Sum nú er fæst ongin barsilspeningur í slíkum støðum - grundað á vantandi inntøkugrundarlag.

Hettar er sera óheppið fyri alla familjuna.

Her er ynskiligt, at ein minsta-upphædd kann verða veitt í samband við barsil, antin gjøgnum Barsilsskipanina ella gjøgnum Almannaverkið.

Nógv er gjørt á hesum øki og nógv er, sum enn kann gerast betur, til gagns fyri familjuna, sum er grundarsteinurin í samfelagnum.

Tryggir karmar um familjuna eru við til at skapa trivna, bæði sosialt og fíggjarliga.

Edva Jacobsen
valevni fyri Sambandsflokkin til løgtingsvalið

Um tú veitst okkurt, sum VP ikki veit - skriva so til vp@vp.fo