At hepnast er at fara frá einum mistaki til tað næsta við sama ídni til tað eydnast
- Winston Churchill

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Fiskaaling heitir enn eina ferð á sílafiskarar um at taka lut í sjósílaverkætlanini, hvørs endamál er at kanna umstøður og livihátt hjá føroyskum sjósílum.

Sjósílaverkætlanin byrjaði í 2019 og er ein týðandi liður í arbeiðnum at fáa grundleggjandi vitan um sjósíl til vega. Tað er Havbúnaðarfelagið, sum fíggjar verkætlanina og øll, ið hjálpa til við kanningini, eru við í lutakasti um 10.000 skattafríar krónur.

Fyri at vera við í lutakastinum krevst einans, at luttakarar senda brævbjálva við roðsluroyndum og uppmátingum av sílum til Fiskaaling, ið hevur framleitt serligar brævbjálvar til høvið. Fiskaaling rindar postgjaldið. Vegleiðing til tøku av roðslu og útfylling av brævbjálvum er á fiskaaling.fo. Lutakastið verður í desember og drigið verður millum allar innkomnu brævbjálvar.

Brævbjálvar fáast ókeypis kring landið á hesum støðum:

- Magn, Trongisvágur
- Hjá Rólant, Sandur
- Jógvan Weihe, Tórshavn
- Effo, Kollafjørður
- Effo, Skálafjørður
- Stanley, Norðskáli
- Berglon, Klaksvík

Luttakarar kunnu eisini skriva navn og bústað til okkara á fiskur@fiskaaling.fo, so senda vit brævbjálvar.

Seinasta ársfrágreiðingin í samband við verkætlanina kann lesast her.

Um tú veitst okkurt, sum VP ikki veit - skriva so til vp@vp.fo