Vandin fyri fleiri skriðu- og áarlopum er ikki av enn, tí veðurforsøgnin sigur regn út kvøldið og náttina.
Mælt verður tí til, at fólk, sum búgva á ovastu vegunum í Klaksvík, Norðoyri og Ánunum, og onnur, sum búgva ábært fyri, ikki fara aftur til hús í kvøld.
Frá kl. 17 verður KFUM & K nýtt sum móttøkustað til tey, sum ikki hava annað stað at fara til í løtuni.
Um tørvur er á gisting í nátt, verða borgarar bidnir um at seta seg í samband við Miðlan, tel. 41 00 00.
Telefonnummarið hjá Miðlan svarar alt døgnið, soleiðis at borgarar, sum ikki sleppa frá húsum og hava tørv á hjálp frá sløkkiliðnum, kunnu boða frá.
Er tørvur kreppuhjálp, verður fólk eisini biðin um at ringja til Miðlan.
Onnur bráðfeingis boð skulu beinast til Politiið á tel. 112.
Klaksvíkar kommuna
Um tú veitst okkurt, sum VP ikki veit - skriva so til vp@vp.fo
