Ein ungur maður varð fluttur á Landssjúkrahúsið í morgun, eftir at bilurin, hann koyrdi, var í einum sonevndum solo óhappi. Tað vil siga, at ongin annar bilur var uppií. Óhappið hendi áleið klokkan fimm á Sundi uttanfyri Havnina, og politiið veit ikki í løtuni, hvussu støðan hjá manninum er. Bilurin gjørdist vrak. Tað er ongin illgruni um, at maðurin var ávirkaður av rúsdrekka.
Annar hevur sum heild verið friðarligt hetta vikuskifti, upplýsir vakthavandi á politistøðini.
- Eini tvey mál um narko eru skrivað í samband við Voxbotn, men talan er um smáar nøgdir av hashi sum verður sektað við bót, sigur vakthavandi sum eisini nevnir, at samarittarnir gera eitt stórt og týdningarmikið arbeiði sum mangan forðar fyri, at støður gerast verri.
Um tú veitst okkurt, sum VP ikki veit - skriva so til vp@vp.fo
