Sunnudagin verður leikurin “Oyggin” framførdur. Tvær sýningar eru, ávikavist kl. 14.00 og 16.00. Framført verður í Atlantis í Klaksvík.
Tað hevur verið arbeitt støðugt við ymiskum aspektum av uppsetingini av leikinum síðan í januar 2018.
Í bólkinum eru 14 sera dugnalig ung, ið brenna fyri sjónleiki. Hesi hava sjálvi funnið uppá og skriva leikin, ið tey nú eru sera spent uppá at framføra.
Aldursspennið er sera vítt; yngsti limurin er 10 ár, meðan elsti er 16 ár.
Endamálið við dramabólkinum er at geva børnum og ungum møguleikan at arbeiða við leikskriving og leikuppseting og hetta á ein sjálvstøðugan hátt.
Leikurin snýr seg um fólk, ið eru veðurføst á eini oyggj og ymiskt løgið byrjar at henda undir uppihaldinum.
Leikurin er ein skemtileikur og er í umleið 40 min. til longdar.
Tað er ókeypis at koma til leikin.
Um tú veitst okkurt, sum VP ikki veit - skriva so til vp@vp.fo
