Landsbankin: Búskaparráðið leggur týsdagin 16. januar 2024 sína temafrágreiðing um fíggjarpolitiska haldførið fram. Framløgan verður í Smæruni í Havn klokkan 13.00. Framløgan verður eisini stroymd og leinkjan verður løgd út á heimasíðuna hjá landsbankanum.
Búskaparráðið hevur til uppgávu at fylgja við búskaparligum viðurskiftum í landinum, og at koma við óheftari búskaparligari ráðgeving og frágreiðingum um búskaparligu gongdina.
Búskaparráðið ger tvær kjonjunkturfrágreiðingar um árið og kann harumframt gera temafrágreiðingar.
Limir í Búskaparráðnum eru:
Fróði Magnussen, cand.merc., formaður
Jan Otto Holm, cand.merc. innan fígging og roknskap
Sanna Laksá, PhD í búskaparfrøði
Helena Andreasen, cand. merc.aud
Johnny í Grótinum, cand. polit.
Skrivarauppgávan hjá Búskaparráðnum er við løgtingslóg løgd til Landsbanka Føroya.
Um tú veitst okkurt, sum VP ikki veit - skriva so til vp@vp.fo
