Tað eru trý sløg av fólkum. Tey sum fáa tingini at henda, tey sum hyggja at ímeðan hini fáa tingini at henda, og so tey sum undrast yvir hvat ólukkan tað var sum hendi
- Fred Clauser, neyðlendi í Eiðisflógva í 1969

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Sum hitt fyrsta í Føroyum verður dagstovnaøkið í Vestmanna fríggjadagin 17. mars góðkent av Dansk Idrætsforbund og VIA University College í Århus sum ítróttardagstovnaøki.

Við hesum fáa dagstovnarnir rætt at kalla seg góðkendar ítróttardagstovnar – við ítrótti, spæli og rørslu í miðdeplinum.

At vera góðkendur ítróttarstovnur merkir at man í arbeiðnum leggur dent á eina javnvág millum avbjóðingar, felagsskap, rørslugleði og heilsu.

Í góðkenningartilgongdini hava leiðsla og øll starvsfólkini verið ígjøgnum nøkur førleikamennandi skeið, har Grete Sandholm frá VIA í Århus hevur undirvíst í, hvussu ítróttur kann nýtast sum eitt námsfrøðiligt amboð at styrkja kropsligu, kognitivu, sálarligu og sosialu førleikarnar hjá børnunum.

Góðkenningin varpar ljós á og styrkir dagstovnarnar í Vestmanna, til frama fyri bæði børn og ung í kommununi.

Børn, foreldur, miðlar og onnur áhugað eru vælkomin til móttøku í sambandi við góðkenningina. Møguleiki verður at royna námsfrøðiligan ítrótt.

Móttøkan verður í høllini í Vestmanna fríggjadagin 17. Mars kl. 15:00.

Sára Jógvansdóttir varaborgarstjóri, Djóni Nolsøe Joensen landstýrismaður, Magni Mohr professari í ítróttarfysiologi og Andras Nolsøe ítróttarráðgevi hjá ÍSF føra fram røður.

Um tú veitst okkurt, sum VP ikki veit - skriva so til vp@vp.fo