- Ringu tíðirnar enda nú, nakað soleiðis segði fyrrverandi forsætisráðharrin í Póllandi og fyrrverandi formaðurin í Europaráðnum, Donald Tusk, sum helst hevur fingið meirilutan eftir tjóðartingsvalið í Póllandi í gjár.
Hann og flokkur hansara hava í øllum førum tryggjað sær 248 sessir av teimum 460 í pólska tjóðartinginum. Sitandi stjórnarflokkur, Lóg og Landaskil, skal hava tryggjað sær umleið 200 sessir.
- Vit gjørdu tað! Vit vunnu demokratiið, friðin og okkara elskaða Pólland, sum nú er endurføtt, segði Donald Tusk sambært The Guardian við síni viðhaldsfólk í nátt.
Lóg og Landaskil flokkurin hevur stýrt í Pólandi í 8 ár og gjørt ymsar illa umtóktar nýskipanir, so sum at avmarka pressufrælsið, avmarkað rættindini til fosturtøku og tey hjá LGBTQ+ fólkum. Eisini hevur fyrrverandi stjórnin verið í hornatøkum við ES, sum afturfyri hevur innifryst nógvar milliónir av evrum sum Pólland skuldi hava í koronastuðli.
Um tú veitst okkurt, sum VP ikki veit - skriva so til vp@vp.fo
