Tað eru trý sløg av fólkum. Tey sum fáa tingini at henda, tey sum hyggja at ímeðan hini fáa tingini at henda, og so tey sum undrast yvir hvat tað var sum hendi
- Fred Clauser, neyðlendi í Eiðisflógva í 1969

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Teir spældu væl umtókta telduspælið "Call of Duty", og høvdu veddað, at tann sum tapti, skuldi taka eina koran við í skúlan dagin eftir.

BBC skrivar, at júst hvat síðani hendi er ikki heilt greitt, men skjótt vórðu dreingirnir lagdir undir at háa og vanæra koranina, og nú eru dreingirnir fyribils burturvístir frá skúlanum.

Men málið steðgaði ikki har, tí lokalir muslimar, býráðslimir og politifólk vórðu seinni við á fundi sum skúlaleiðslan skipaði fyri, og har skúlastjórin í einum boðum noyddist at koma við eini frágreiðing, har hann millum annað nevndi at "heilaga bókin var óskalað". Eisini skulu dreingirnir hava fingið deyðshóttanir, skrivar miðilin.

Men tað var heldur ikki nóg mikið, og nú hevur mamma drongin, sum hevði koranina við í skúla, verið hjá lokalu muslimsku meinigheitini og biðið um umbering. Skúlastjórin, ein lokalpolitikari og politiið vóru eisini við henni, tá biðið var um umbering.

- Eg má biðja so miriliga um fyrigeving fyri skaðan, sonurin hevur gjørt hvørjum einstøkum av tykkum. Hann er sera harmur um hetta og angrar av fullum hjarta, segði mamman, sum fjaldi hárið við turriklæði, millum annað við muslimsku meinigheitina.

Fleiri fólk og felagsskapir hava tó tikið til orðanna ímóti mátanum, sum politi, myndugleikar og skúli hava handfarið málið, skrivar The Times.

Eisini felagsskapurin Humanists finst hvassliga at handfaringini og minnir á, at drongurin onki ólógligt hevur gjørt, at ongin blasfemilóggáva er í Bretlandi, og at hendingin kann fáa stórar avleiðingar fyri framtíðina hjá dronginum, sum tók bókina við í skúla.

Um tú veitst okkurt, sum VP ikki veit - skriva so til vp@vp.fo