Høvdu forfedrarnir ikki verið skjótir á sjóvarfallinum eftir løtuvinningi, hevði mangan verið svangligt í Føroyum
- Juul Jacobsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Skúli

Landsverk: Tann 1. oktober verður altjóða arkitekturdagur, ið er eitt afturvendandi tiltak, sum UIA – altjóða felagsskapurin fyri arkitektar – skipaði fyri á fyrsta sinni í 1985. Dagurin hevur síðani verið hildin á hvørjum ári um allan heim. Í Føroyum hevur dagurin eisini verið markeraður seinastu árini við ymiskum áhugaverdum tiltøkum.

Nógv áhugavert á skránni
Komandi vikuskifti verða nógv tiltøk á skránni, sum øll venda sær til fólk við áhuga fyri byggilist, bygging í Føroyum og bústaðarmøguleikum og -politikki. Millum annað verður ein framsýning við verkætlanum hjá Bústøðum á Torginum í SMS fríggjadagin og leygardagin, har tú kanst vitja í eini íbúð. Rundsýning verður í Finsen leygardagin kl. 14.00, og temafundur við ymiskum framløgum verður í Müllers Pakkhúsi leygardagin frá klokkan 15.00.

Glasir innanífrá
Íkastið hjá Landsverki til arkitekturdagarnar hesaferð verður at bjóða almenninginum inn á Glasir at síggja og uppliva Føroya størstu byggiverkætlan, sum nú av álvara fær skap innan eisini.

- Tað er heilt serligt at standa inni í hesum stóra, sermerkta og stásiliga bygningi, og nú vilja vit geva øllum áhugaðum møguleikan at sleppa inn at síggja og uppliva bygningin, sigur Arne Debess Madsen, leiðari á Byggideildini á Landsverki

Opið hús verður á Glasi úti við Marknagil komandi sunnudag 1. oktober klokkan 15.00-17.00. Møtt verður við høvuðsinnkoyringina til byggiplássið frá Marknagilsvegnum, har fólk taka ímóti og vísa vegin inn í bygningin.

Um tú veitst okkurt, sum VP ikki veit - skriva so til vp@vp.fo