Menn, teirra rættindi, og onki meira. Kvinnur, teirra rættindi, og onki minni
- Susan B. Anthony

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Krutl

Alla næstu viku verður gott veður, seliga vestanfyri, tí nógv verður av eysturættum, ímillum landnyrðing og landsynning. Tað verður turt fyri tað mesta og ikki so kalt, ímillum 4 og 8 stig.

Undantakið er týsdagurin, tí tá fer at regna.

Í morgin verður ættin ímillum eystan og landnyrðing, lot til frískan vind, skýggjað við onkrum sólglottum og hitin 4-6 stig.

Týsdagin strúkur í vindi høgt, sum dagurin líður verður ættin beinur eystan, samregn ein stóran part av degnum og hitin 5-7 stig.

Mikudagin skýggjað men turt burtursæð frá onkrum ælstroyggi um morgunin, ættin verður mest landsynningur, hitin 7 stig.

Hósdagin mestsum stilli, bert ein ond av landsynningi, turt og hitin um 7 stig alt samdøgrið.

Fríggjadagin frískar hann vindin nakað, framvegis av landsynningi, ælaveður, hitin framvegis um 7 stig alt samdøgrið.

Næsta vikuskifti verður ælaveður, ættin verður landsynningur, upp í strúk í vindi og hitin 7-8 stig.

Um tú veitst okkurt, sum VP ikki veit - skriva so til vp@vp.fo