Aksel V. Johannesen: Vit peika á Mette Frederiksen.
Sjúrður Skaale: Tað er bæði skeivt og ódemokratiskt.
Í fyrsta formansumfarinum í KVF gjørdi Aksel V. Johannesen, formaður í Javnaðarflokkin greitt, at flokkurin peikar á Mette Frederiksen sum forsætisráðharra.
Nakrar dagar seinni sigur Sjúrður Skaale við Ritzau, at tað er bæði skeivt og ódemokratiskt, at norðuratlantisku umboðini avgerða, hvør verður forsætisráðharri.
Tí má eg spyrja, hvat meinar Javnaðarflokkurin?
Vil flokkurin peika á Mette Frederiksen, sum Aksel V. Johannesen sigur, ella er formaðurin í Javnaðarflokkinum ódemokratiskur, sum Sjúrður sigur.
Eftir eitt heilt valskeið, har Sjúrður Skaale hevur verið ørindadrongur hjá Mette Frederiksen, burdi Javnaðarflokkurin fortalt okkum, hvat tey fara at gera.
Jørgen Niclasen,
valevni Fólkafloksins til Fólkatingið
Um tú veitst okkurt, sum VP ikki veit - skriva so til vp@vp.fo
