Høvdu forfedrarnir ikki verið skjótir á sjóvarfallinum eftir løtuvinningi, hevði mangan verið svangligt í Føroyum
- Juul Jacobsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Framsýningar

Filmsfelagið: Í nýggja bretska filminum “Good Luck to You, Leo Grande” er Nancy Stokes (Emma Thompson) ikki bara eftirløntur lærari, men eisini einkja, ið leingist eftir einum góðum sexlívi.

Maðurin, Robert, sum nú er deyður, syrgdi fyri øllum heima, men eitt virkið sexlív var ikki á tjekklistanum.

Nú hann er farin, hevur Nancy sett sær fyri, at kontakta ein mann, Leo Grande (Daryl McCormack), ið bjóðar sex fyri gjald.

Hon avtalar at møta Leo á einum hotelli, sum er passandi langt burturi, so eingin kennir hana. Hann sær eins gott út og á lýsingamyndini, og Nancy er bilsin av, at hann ikki bara moggar henni, men eisini dugir at tosa.

Eftir væleydnaðu seksuellu royndirnar í hotellsongini, er Nancy fegin og sær ljósari uppá gernadisdagin. Tey møtast tríggjar ferðir, samspælið teirra millum broytist, og tær maskur tey hava fjalt seg aftanfyri, falla.

Leikstjóri er Sophie Hyde, sum er fødd í Adelaide í Avstralia í 1977. Hesin filmur er upptikin í Norwich í Norfolk í Bretlandi. Sophie Hyde hevur vunnið fleiri virðislønir fyri filmar, hon fyrr hevur gjørt.

Ummælarar eru samdir um, at hetta er filmurin við bestu og djarvastu leikaraavrikum á stóra løriftinum í ár. Ofta hevur verið sagt, at Emma Thompson aldri hevur verið betri. Sama er við hesum filmi. Hon er betri enn nakrantíð.

Filmsfelagið vísir “Good Luck to You, Leo Grande” mikukvøldið kl 20:00. Sýningin er almenn og atgongumerkjasølan er byrjað.

26/10 kl 20:00 Good Luck to You, Leo Grande (Sophie Hyde UK 2022 97 min)

Um tú veitst okkurt, sum VP ikki veit - skriva so til vp@vp.fo