Sølumiðstøðin í Havn hevði knappar 32,5 mió kr í vinningi eftir skatt í fjør. Tað er eitt kvink betri enn árið fyri, sum eisini var metár. Eisini sølan setti met, hon var tilsmans 546,5 mió kr sum er næstan 18,6 mió kr meira enn árið eisini var metár.
S.M.S. hevur fleiri dóttirfeløg og leysari atknýtt feløg sum spjaða til, eitt nú Miðlon, Rumbul, Power Føroyar, Demmus og Burn Fitness. Uttan tey var úrslitið stívliga 15 mió kr.
Fíggjarstøðan hjá S.M.S. javnvigar við 217,6 mió kr og eginognin er 119 mió kr eftir vinningsbýti uppá 20 mió kr.
Leiðslan er nøgd við gongdina og væntar áleið tað sama av inniverandi ári sæst í frágreiðingini.
Niels H. Mortensen er stjóri í S.M.S.
Um tú veitst okkurt, sum VP ikki veit - skriva so til vp@vp.fo
