Viðhvørt er tøgn besta svarið
- Dalai Lama

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Vágs kommuna: Í døgunum 9. til 13. januar er FabLab Vágur vertur fyri einum FabLab bootcamp, har umboð fyri FabLabs í Norðurlondum luttaka.

Hvørt ár í januar verður skipað fyri einum bootcampi fyri LabLabs í Norðurlondum, og í ár er FabLab Vágur vertur.

Endamálið við hesum bootcamps er at styrkja um samstarvið, at netverka, at deila vitan og at fáa altjóða samstørv í lag.

Í fimm dagar verður skipað fyri verkstovum, framløgum, opnum FabLabi, árliga fundinum og samankomsti í Vági.

Á bootcampinum í ár er evnið at endurskapa nýtt úr nátúrligum og lokalum tilfari. Luttakararnir á bootcampinum fara at arbeiða við m.a. ull og hornum og mentan og list. Tilfar, sum fyrr varð nýtt dagliga, men í dag verður størsti parturin av hesum burturbeindur. Tankin er, at luttakararnir frameftir kunnu arbeiða við hesum tilfari í ymiskum samanhangum.

- Verturin fyri bootcamparnar verður valdur árið fyri. Her leggur hvørt FabLab fram, og eftirfylgjandi atkvøða leiðararnir fyri FabLabini, hvør hevði mest áhugaverdu framløguna. Og í fjør varð FabLab Vágur stóri vinnarin, sigur Tina Tausen, leiðari í FabLab Vágur.

Sum nakað serligt sleppa luttakararnir at royna Føroya einasta "escape room", sum FabLab Vágur hevur ment saman við Navid O’Lari úr Belgia. Navid hevur í tveimum umførum vitja FabLab Vágur og luttekur eisini á bootcampinum, sum serligur gestur.

Í alt verða 30 luttakarar - harav luttaka nakrir lærarar frá Vágs skúla.

Tey luttakandi koma úr Danmark, Íslandi, Finlandi, Svøríki og Føroyum.

Um tú veitst okkurt, sum VP ikki veit - skriva so til vp@vp.fo