Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Fólk hava tikið lógvatak og ment eitt mergjað tiltak, bæði til gamans og álvara. Vit vóna, at fólk koma fjølment at njóta forkunnugu skránna. Øll tiltøkini eru ókeypis og í sambandi við Savnsfagnaðin hava handlar, matstovur og kaféir serligar upplatingartíðir.

Eitt av høvuðstiltøkunum á Savnsfagnaðinum verður eitt serligt upplivingartiltak, har áskoðarin verður tikin við inn í heimin hjá prestakonuni Beintu. Hon man vera ein tann kendasti søguligi persónurin úr Vágum og nógvar eru sagnirnar um hana. Teirra lýsingar av Beintu eru ymiskar, men tær hava allar eitt til felags: Beinta sjálv hevur ongantíð orðið.

Tiltakið byrjar í Sandavági við einum gongutúri í fótasporunum hjá Beintu. Jákup Pauli í Eyðanstovu er ferðaleiðari, og Lydia Laksafoss greiðir eisini frá tí, hon gjøgnum árini hevur granskað í søguni um Beintu.

Gongutúrurin endar í Listastovuni, har Annika Johannessen, sjónleikari, framførir. Hon   sigur okkum søguna um, hvussu Beinta sjálv upplivdi sítt lív, sínar kringumstøður, sínar menn, síni børn, sínar vinir og sínar fíggindar. 

Afturat sjónleikarliga upplivingartiltakinum hevur Savnsfagnaðurin eitt margfeldni av       upplivingum við støði í søguligum tilfari: Søguligir gongutúrar, bæði kendar og serstakar framsýningar, fyrilestrar og frásagnir. Næmingar í Skúlanum á Giljanesi sýna fram ymisk evni, tey sjálv hava arbeitt við.

Av brellbitum úr skránni kunnu vit avdúka:

Framsýning av Mikinesmálningum, turking av klippfiski, kvøldseta, tilvirking av ull, felagssangur o.a.

Les fjølbroyttu skránna her

Um tú veitst okkurt, sum VP ikki veit - skriva so til vp@vp.fo