Í juli komu og fóru 42,955 ferðafólk umvegis Vága Floghavn, tað er ein vøkstur uppá 5,3% í mun til juli 2015. Higartil í ár eru sostatt 174,705 ferðafólk komin og farin um flogvøllin. Tað er ein samlað framgongd á 6%.
Methøgur regularitetur
Umframt at tað sær út til at ferðafólkatalið aftur fer at seta met, so er regulariteturin á flogvøllinum eisini methøgur. Hetta hevur verið galdandi bæði fyri flogførini hjá Atlantic Airways og flogførini hjá øðrum flogfeløgum, so sum Lufthansa, sum hava sett seg í Vágum.
Byrja uppá parkeringsøki 1. septembur
Arbeiði uppá at víðka parkeringsøki frá 330 parkeringsplássum til gott 800 parkeringspláss byrjar 1. septembur. Væntandi kemur arbeiði at taka eitt ár.
Um tú veitst okkurt, sum VP ikki veit - skriva so til vp@vp.fo
