Vinna
Fiskamarknaður Føroya: Eitt línuskip er við Ísland og tvey eru undir Føroyum. Tey fiska mest av toski, longu og brosmu. Tað við Íslandi, landar helst fyrst í vikuni, meðan annað undir Føroum landar síðst í vikuni og hitt helst fyrst í aðru viku. Vantandi fer okkurt ísfiskalínuskip avstað í næstum. Av frystulínuskipunum eru trý við Føroyar, eitt við Eysturgrønlandi og eitt á Flemish Kap.
Um útróðurin verður sagt, at streymurin harðnar sum vikan líður, men veðri verður gott, so helst verður nakað av útróðri. Fiskaríð er smáligt.
Ein djúpvatnstrolari er úti, hann fiskar svartkalva og landar fyrst í vikuni.
Um tú veitst okkurt, sum VP ikki veit - skriva so til vp@vp.fo
