Spyr ikki, hvat land títt kann gera fyri teg. Spyr heldur, hvat tú kanst gera fyri land títt
- John F. Kennedy

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Lat ongan iva vera um, at eg vil, at vit framvegis skulu vera í einum felagsskapi saman við Danmark. Men tíðirnar broytast, og vit skulu tora at gera broytingar, tá tað er neyðugt. Tá eg hyggi at viðurskiftunum millum Danmark og Føroyar í dag, so haldi eg, at tíðin er komin at endurskoða Heimastýrislógina.

Tá Fólkatingið bleiv sett í ár, segði Mette Frederiksen, forsætisráðfrúa, í setanarrøðuni, at tíðin er farin frá, at tað eru Danmark og so tvey onnur lond í ríkisfelagsskapinum. Harumframt legði hon dent á, at avgerðina, um framtíðina í Føroyum og Grønlandi, eiga tey bæði londini sjálv.

Tað er gleðiligt at hoyra eina forsætisráðfrúu, sum fyriheldur seg til, at rembingar eru í ríkisfelagsskapinum.

Heimastýrislógin hevur virkað seinastu 75 árini, og við semjusøkjandi politikki hevur lógin eisini tænt sínum endamáli. Saman við Yvirtøkulógini hava Føroyar flutt seg framá leið, og vit hava eitt vælferðasamfelag á hædd við onnur Norðurlond.

Fá málsøkir eru eftir at yvirtaka, og Føroyar hava ræðið á nærum øllum økjum. Men ávísir trupulleikar eru, tá tað ræður um at taka egnar avgerðir og hava egna umboðan í altjóða samfelagnum og í verjumálum.

Núverandi skipan er ein forðing í uttanríkismálum, tí Grønland, Føroyar og Danmark ikki altíð eru samd um somu kós. Í praksis, taka Føroyar nú avgerðir í verjupolitiskum málum, sum viðvíkja Føroyum, men spurningurin er, um hesi viðurskiftir ikki áttu at verið formelt skipað í eini nýggjari Heimastýrislóg.

Samstarv hevur slóðað fyri stabiliteti seinastu 75 árini, og við einum endurnýggjaðum samstarvi fæst trygd fyri stabiliteti næstu mongu árini.

Anna Falkenberg, fólkatingskvinna fyri Sambandsflokkin

Um tú veitst okkurt, sum VP ikki veit - skriva so til vp@vp.fo