Tú veitst, at tú eldist, tá føðingardagsljósini kosta meira enn lagkøkan
- Bob Hope

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Skrivligur fyrispurningur eftir § 52a í Tingskipanini
Spyrjari: Hervør Pálsdóttir, løgtingsmaður
Svarari: Bárður á Steig Nielsen, løgmaður
Evni: Navnalógin og formlig boð til fólkakirkjuna

Spurningar:
1. Metir løgmaður tað verða virðiligt, at landsstýrismaðurin í mentamálum drálar við at geva fólkakirkjuni formlig boð um, at prestar skulu kunna skráseta børn hjá sammøðrum, soleiðis sum tulkingin hjá Umhvørvis- og vinnumálaráðnum staðfestir?

2. Ætlar løgmaður, sum hevur eftirlit við landsstýrisfólkunum, at fara inn í málið, soleiðis at børn hjá sammøðrum kunnu skrásetast, soleiðis sum tulkingin hjá Umhvørvis- og vinnumálaráðnum staðfestir?

Viðmerkingar:
15. august 2022 svaraði Magnus Rasmussen, landsstýrismaður í umhvørvis- og vinnumálum undirritaðu, at tað var ikki neyðugt at broyta navnalógina, fyri at sammøður skuldu kunna geva eftirnavn til barn sítt.

Í svarinum varð gjørt greitt, at tað er Umhvørvis- og vinnumálaráðið, ið hevur tulkingarrættin. (52-002/2022) 7. september 2022 svaraði løgmaður undirritaðu, at hann tók sum givið, at landsstýrismaðurin í mentamálum fylgdi tulkingini hjá Umhvørvis- og vinnumálaráðnum. (52-022/2022)

Nú er meira enn ein mánaður liðin, síðan tað gjørdist greitt, hvussu lógin skal tulkast,
og enn hevur fólkakirkjan ikki fingið formlig boð frá landsstýrismanninum í mentamálum um, at prestar kunnu skráseta børn hjá sammøðrum, soleiðis sum tulkingin hjá Umhvørvis- og vinnumálráðnum staðfestir.

Hesin fyrispurningurin verður settur fyri at fylgja upp uppá svarið, ið løgmaður gav undirritaðu 7. september 2022.

Á Løgtingi, 22. september 2022
Hervør Pálsdóttir

Um tú veitst okkurt, sum VP ikki veit - skriva so til vp@vp.fo