Fyri sjúklingin er umráðandi, at sjúkrajournalir tosa saman, og dømi um upp í fýra ymisk CPR-nummur eiga ikki at koma fyri.
Tað, at sjúkrajournalir í Føroyum og Danmark ikki tosa saman, ber í sær, at kanningar, sum eru gjørdar í Føroyum, ofta mugu gerast umaftur, tá ið sjúklingur verður sendur til Danmarkar. Tað má kunna gerast betur.
Verða vit send av landinum, fáa vit eitt danskt CPR-nummar, sum danska journalin er knýtt at. Dømi eru um, at sjúklingar hava meira enn eitt CPR-nummar, ja, heilt upp í fýra.
Tað merkir, at læknin fær ikki sæð sjúkugongdini hjá viðkomandi, tí har eru fýra sjúkrajournalir, og læknin sær bara eina.
Løgtingið hevur samtykt at gera nýggja telduskipan til sjúkrahúsverkið, og hon má kunna tosa við donsku skipanina.
Skil má eisini fáast í CPR-tølini. Her kann ein fólkatingsmaður gera mun. Tað vil Fólkaflokkurin.
Jørgen Niclasen,
valevni Fólkafloksins til Fólkatingsvalið
Um tú veitst okkurt, sum VP ikki veit - skriva so til vp@vp.fo