Framsýningar
BirkBloggur: Í 10 minuttir mitt í filminum, Submergence, sum er væl meir enn tveir tímar til longdar, fara Føroyar at skína. Tað vissar týski Wim Wenders okkum um á Hotel Føroyum fyrrapartin, har Jan Berg Jørgensen hevur boðið mær á tíðindafund hjá Visit Faroe Islands.
- Vit hava akkurát filmað í La Mancha í Spania og í Djibouti í Afrika, og alla staðni manglaði grønt. Her í Føroyum er akkurát tann grøni liturin, sum filmurin manglaði. Mitt í filminum fer føroyska summargrasið at skína - shine, sigur filmslistamaðurin Wenders, og smakkar uppá orðið. Og tá fotografurin eitur Benoît Debie, er einki at ivast í.
Um tú veitst okkurt, sum VP ikki veit - skriva so til vp@vp.fo
