Tað eru trý sløg av fólkum. Tey sum fáa tingini at henda, tey sum hyggja at ímeðan hini fáa tingini at henda, og so tey sum undrast yvir hvat ólukkan tað var sum hendi
- Fred Clauser, neyðlendi í Eiðisflógva í 1969

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Landsbankin: Hagstovan hevur fyri fyrstu ferð almannakunngjørt BTÚ í føstum prísum. Tað vil siga, at føroyingar nú kunnu síggja framleiðsluna uppgjørda í mongdum, tí prísbroytingarnar eru tiknar burturúr. Serliga árini 2011 til 2014, 2019 og 2021 vísa ein stóran vøkstur í framleiðsluni mátað í mongdum. Eisini vísir BTÚ í føstum prísum, at Føroyar hevur havt ein realan búskaparligan vøkstur øll árini frá 2011 til 2021, tó undtantikið 2020, tá Covid-19 rakti.

Mynd 1 vísir føroysku bruttotjóðarúrtøkuna í ávikavist leypandi og føstum prísum í tíðarskeiðinum 2008 – 2024. Hagstova Føroya hevur fyri fyrstu ferð almannakunngjørt bruttotjóðarúrtøkuna í føstum prísum, sum er endaliga uppgjørt fram til 2021. Árliga broytingin í BTÚ í føstum prísum er mátið fyri realan búskaparvøkstur.

##med2##

Mynd 2 vísir árliga reala búskaparvøksturin frá 2008-2021. Í miðal var reali búskaparvøksturin í hesum tíðarskeiðið 2,6%, og tað er hægri, enn í okkara grannalondum. Til dømis var reali búskaparvøksturin í sama tíðarskeiði 1,2% í Danmark og 1,4% í Íslandi.

Reali búskaparvøksturin var serliga stórur í Føroyum í árunum 2011 – 2014 og hetta kemur av, at føroyski búskapurin kom fyri seg eftir búskaparligu afturgongdina undir fíggjarkreppuni í 2008; tað eru serliga tænastuvinnan og framleiðsluvinnan (sum eisini inniheldur byggivinnuna), sum vaksa hesi árini. Eisini stavar reali búskaparvøksturin í hesum tíðarskeiði frá tilfeingisvinnuni, sum kemur av, at føroyingar fiskaðu og útfluttu størri nøgdir av makreli, enn frammanundan, eftir at Føroyar høvdu tillutað sær størri makrelkvotu.

Í 2015 minkaði mongdin av útfluttum makreli og laksi í mun til árið fyri, og tí er reali búskaparvøksturin ikki eins stórur í 2015 sum í árunum frammanundan. Í 2016 vaks prísurin á laksi við nærum 50%, men í 2016 sæst bert ein stórur vøkstur í BTÚ í leypandi prísum (9,4%), og ikki tá mátað verður í føstum prísum (bara 1,5%).

Í 2019 vaks útflutta mongdin av laksi, toski og hýsu í mun til árið fyri, ið førdi til ein realan búskaparvøkstur hetta árið. Í 2020 sæst hinvegin eitt fall í realum BTÚ og stavar hetta frá lægri virksemi í eitt nú gisti- og matstovuvinnuni og í flog- og sjóflutningi, umframt at lægri nøgdir vóru útfluttar av fleiri ymsum fiskasløgum meðan koronufarsóttin gjørdi um seg um allan heimin. Í 2021 kemur realur búskaparvøkstur av, at føroyski búskapurin fótar sær eftir koronufarsóttina, umframt at útflutningurin av makreli vaks og tøkunøgdin av laksi setti met.

##med3##

Les várfrágreiðingina hjá búskaparáðnum her.

Um tú veitst okkurt, sum VP ikki veit - skriva so til vp@vp.fo