Fríggjadagin 16. oktober letur upp málningaframsýning í Smiðjuni í Lítluvík. Jákup Lervig sýnir fram akryl málningar. Myndatilfarið er fjølbroytt, og fevnir um naturalistiskar, naivar og abstraktar málningar.
Jákup hevur seinnu árini brúkt stóran part av frítíðini uppá hettar ítriv, og hevur luttikið í undirvísingini hjá Kvøldskúlanum nú í fleiri ár. Jákup hevur áður fleiri ferðir verið við á Ólavsøkuframsýningini, á framsýningum í Smiðjuni í Lítluvík og hjá Lions Club í Müllers Pakkhúsið.
Framsýningin letur upp fríggjadagin 16. oktober kl. 14, og er opin til og við týsdagin 20. oktober. Opið er allar dagar kl. 14-19, tó er opið leygardagin kl. 10-19.
Um tú veitst okkurt, sum VP ikki veit - skriva so til vp@vp.fo
