Mótmælisgongur og ófriður hevur eyðkent gøtumyndina seinastu dagarnar og fleiri orsøkir eru til, at dagurin í dag kann blíva ein tann ringasti.

Høgravíðgongdi flokkurin Rassemblement National hjá Marine le Pen hevur landsfund, og hennara víðgongdu sjónarmið kunnu skjótt elva til mótreaktiónir. Og tilburðurin í gjár, tá ein maður drap ein og særdi fimm fólk, tá hann fór at skjóta frá hond, kann eisini skjótt leggja við á bálið.

Mótmælisgongurnar byrjaðu við, at næmingar vístu sína ónøgd við skúlaviðurskiftini í landinum sum heild, men hava síðani spjatt seg til fleiri aðrar bólkar sum mótmæla fleiri ymiskum ætlanum um politiskar nýskipanir eitt nú um at byrgja uppfyri migrantum og hækka pensjónsaldurin.

Myndugleikarnir vænta at eini 30.000 mótmælisfólk kunnu fara at taka lut og heili 70.000 politistar og gendarmar eru innkallað til at halda lóg og landaskil.