Wagner leiðarin Jevgenij Prigozjin, sum hevur stuðla russiska krígnum ímóti Ukraina, men sum nú eftir øllum at døma hevur vent sær ímóti russiska forsetanum Vladimir Putin er neyvan einsamallur. Tað er sannlíkt, at hann fær stuðul frá valdshavarum í Moskva, tað sigur fyrrverandi norski herovastin Odin Johannessen við NRK.
- Við sínum royndum veit Prigozjin væl, hvørjir møguleikarnir eru fyri at hepnast við tí sum hann ger. Hann var neyvan farin í holt við hetta, um hann ikki metti, at hann fór at koma á mál, sigur Odin Johannessen.
Hann heldur, at beint nú vil ongin koma fram og siga seg stuðla Prigozjin. Men hvør tími telur, og sum frálíður verður áhugavert at síggja, hvør stuðlar honum og hvør stuðlar Putin.
Um tú veitst okkurt, sum VP ikki veit - skriva so til vp@vp.fo
