Vinna
Felagið Sandgrevstur við heimstaði í Fuglafirði vaks munandi um ársúrslitið í fjør. Úrslitið vaks úr 7,1 mió kr í 2019 til góðar 15,2 mió kr í fjør.
Sandgrevstur er við í roknskapinum hjá Sandskipum, sum eigur beinleiðis ella óbeinleiðis í fleiri øðrum feløgum. Umframt Sandgrevstur eru Vitin og Sandfrakt við í samtaksroknskapinum, og endamálið er rakstur av skipum sum flyta eitt nú sand og annað, bæði innan- og uttanlands.
Fíggjarstøðan hjá móðirfelagnum javnvigar við 68,5 mió kr og eginognin er 66,8 mió kr.
Stjóri er Gordon Martin Midjord.
Um tú veitst okkurt, sum VP ikki veit - skriva so til vp@vp.fo
