Vinna
Samskiftisfyritøkan Sendistovan hevði eitt av sínum góðu árum í fjør.
Eftir skatt lógu 2,2 mió kr á botnlinjuni, sum skal samanberast við 1,8 mió kr í 2019. Hetta er besta úrslit síðani 2011. Eisini bruttovinningurin hevur ikki verið størr enn tað sama seinastu 10 árini.
Høvuðsvirksemi hjá Sendistovuni, sum hevur heimstað í Havn, er at framleiða marknaðarføringsátøk, lýsingar og skelting.
Felagið er í allar mátar væl fyri fíggjarliga við ongari skuld, einum javna uppá 9,4 mió kr og eini eginogn uppá 1,2 mió kr. Dastið av yvirskotinum er seinastu árini flutt eigarunum sum vinningsbýti.
Stjóri í Sendistovuni er Niels Arge Galan.
Um tú veitst okkurt, sum VP ikki veit - skriva so til vp@vp.fo
