Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Januar: Flestu lyklatølini hjá Føroysku fyritøkunum eru negativ í 2020 greiningini. Nettosølan er minkað við 9,5%, EBIT marginan er minkað við 3,2%, ímeðan nettoskuldin er økt við 6,5%.

Av greiningini framgongur eisini, at tær stóru fyritøkurnar hava gjørt væl størri íløgur í 2020 samanhildið við undanfarin ár. Tær samlaðu íløgurnar eru uppá 1,9 mia.kr., ið er knapt 700 mió.kr. meira enn undanfarna ár og svarar til eina øking uppá 52,5%.

Nettosøla
Greiningin vísir, at positiva gongdin í nettosøluni tey seinastu árini er steðgað. Nettosølan er minkað við 9,5% í 2020 samanhildið við undanfarna ár. Hetta svarar til eina minnisølu uppá 1 mia.kr. í mun til 2019. Lækkingin sæst eina mest hjá flutningsfeløgum, og hesi hava verið serliga hart rakt av Covid-19. Eisini sæst ein lækking í nettosøluni hjá feløgunum í fiskivinnuni, hóast hendan lækkingin ikki er eins stór sum tann hjá flutningsfeløgunum. Feløg í tænastuvinnuni hava í flestu førum økt um nettosøluna.

Rakstraravkastið (EBIT) heldur fram at minka
Sambært greiningini hevur gongdin í rakstraravkastinum verið negativ seinastu árini, og heldur hendan gongdin fram í 2020. Samlaða rakstraravkastið minkaði við 412 mió.kr. í 2020, svarandi til 37,3%. Hetta kundi bent á, at feløgini hava sýnt samfelagssinni og hildið hjólini koyrandi, hóast sølan hevur verið nógv minkað.

Framtíðarútlit
Sambært búskaparfrøðingunum so hevur føroyska vinnulívið lagað seg til støðuna í heimssamfelagnum, og er nettosølan nú á sama støði, sum hon varð áðrenn Covid-19.

Harumframt hava feløgini gjørt stórar íløgur í árinum, ið kundi givið ábendingar um, at feløgini síggja ljóst uppá framtíðina.

Um greiningina
Hetta er triðja árið, har P/F Januar hevur gjørt greiningina av teimum stóru feløgunum í Føroyum.

Peningastovnar og tryggingar eru ikki við í greiningini, tí teirra roknskaparuppsetingar kunnu ikki beinleiðis sammetast við vanligu virkisroknskapirnar, sum eru settir upp eftir ársroknskaparlógini. P/F Bakkafrost er so mikið stór fyritøka í mun til aðrar føroyskar fyritøkur, at sjálvt smáar broytingar í rakstrarligu gongdini hjá P/F Bakkafrost kunnu órógva samanberingarnar. Tí er P/F Bakkafrost heldur ikki við í greiningini.

Greiningin er á heimasíðuni hjá P/F JANUAR, løggildum grannskoðarum. Greiningin sæst HER

Um tú veitst okkurt, sum VP ikki veit - skriva so til vp@vp.fo