(tilvildarlig savnsmynd)
(tilvildarlig savnsmynd)
(tilvildarlig savnsmynd)
Ein persónur hevur fingið skaða, og er fluttur á sjúkrahús við sjúkrabili, men talan er ikki um álvarsligan skaða, frættir VP.
Tað var stutt fyri klokkan trý síðstu nátt at fráboðan kom um, at grót var rapað undan loftinum í Fámjinstunlinum.
Vakthavandi á politistøðini í Havn dugir ikki at siga, hvussu nógv grót talan er um.
Persónurin sum kom til skaða fekk ikki grót á seg, men kom heldur illa fyri, tá hann skuldi sleppa sær til rýmingar úr tunlinum eftir at grótið var rapað.
Jaspur Vang, sýslumaður í Suðuroynni, sigur, at talan er ikki um nakra álvarsliga hending, tí so hevði hann vitað tað, hóast hann ikki var á vakt.
Um tú veitst okkurt, sum VP ikki veit - skriva so til vp@vp.fo
