Í fleiri mánaðar hevur ein felagsskapur sum kallar seg ”Samhugi við Palestina”, havt útifundir uttanfyri kioskina hjá Astu. 

Áhugin hevur ikki verið serliga stórur, men tey hava fingið frið at havt sínar útifundir.  

Seinasta týskvøld skipaði vinafelagið Føroyar Ísrael fyri upplýsandi tiltaki á Finsen. 

Tveir gestir úr Ísrael kunnaðu um trygdarstøðu landsins og hóttanir frá yvirgangsfelagsskapum sum Hezbollah, Hamas, ISIS, Islamic Jihah, Islamic brotherhood osv.

”Kioskbólkurin” møtti upp uttanfyri Finsen, væl stuðlaður av mælskum og uppøstum útlendingum við partisanturriklæði og drepandi eygum. 

Har var bæði herverk og stuldur í besta Hamas stíli, samstundis sum rakstrarróp vórðu rópt eftir friðarligum føroyingum, sum møttu upp til eitt lógligt og upplýsandi tiltak.

Hevði ”kioskbólkurin” upplivað ein brotpart av tí ágangi sum tey vístu á Finsen, hevði KVF óivað havt eina eyka tíðindasending, har eitt grátikór hevði fingið fría mikrofon. 

Onkur av stigtakarunum til regluligu útifundirnar uttanfyri kioskina, hevur eisini fingið merkiliga nógva mikrofontíð frá KVF.

Men tá somu fólk fremja ólógligan ágang á Finsen, hótta fundargestir, stjala og svína eitt ísraelskt flagg, letst KVF ikki um vón. 

Hetta tykist ikki at vera tíðindi og hevur tí als ongan áhuga hjá okkara ”óhefta” Public Service stovni.