BirkBloggur: Var tað ikki fyri ein holocaust yvirlivara, so var 44 ára gamli forsetin í Ukraina, Volodymyr Zelenskij, ikki til. Tí er løgið, at russiski nýdespoturin, Vladimir Putin, velur at leggja so hart út við nazikortinum, fyrst at verja egnar russar, sum hann sigur vera fyri fólkadrápi, genocide, sum í nazitíðini, har eysturi í Ukraina, og síðan sjálvur í talum til allan heimin at karaktermyrða ukrainska forsetan og hansara fólk í Kyjiv sum nazistar og narkomanar.
Og varð tað ikki nóg mikið, so eru í ár 90 ár síðan klassiski despoturin, Josef Stalin, setti holodomor, hungurðsmorð, í verk í Ukraina, at breyðføða egnar hermenn.
Hesin skipaði kornstuldur úr Ukraina elvdi til hungursneyð, sum kostaði hálvari fjórðu millión ukrainum lívið og síðan hevur verðið rópt holodomor, sum uppslagið omanfyri úr Collins Dictionary sigur.
Um tú veitst okkurt, sum VP ikki veit - skriva so til vp@vp.fo