Í morgin verður samregn, hann makar vindin og ættin verður útnyrðingur, hitin um 6 stig.
Týsdagin millum vestan og útsynning men bert millum lot og andøvsgul, sólin sær tað mesta av degnum og hitin um 6 stig.
Mikudagin er hann farin eysturum, tað verður turt og sólglottar og hitin ímillum 4 og 7 stig.
Hósdagin mestsum stilli, ein ond av eystri og landnyrðingi, sólglottar allan dagin og hitin ímillum 5 og 7 stig.
Fríggjadagin melur fleyrið av ymsum ættum, ælaveður, tó eisini løtur við sól, hitin millum 3 og 5 stig.
Næsta vikuskifti verður gott veður, ein ond av ymsum ættum, leygardagin nógv sól men sunnudagin okkurt æli, hitin millum 4 og 7 stig.
Veðurforsøgnin tekur støði í Vága Floghavn
Um tú veitst okkurt, sum VP ikki veit - skriva so til vp@vp.fo
