Fleiri palestinskar familjur, summar keldur siga minst 250 familjur, hava fingið boð um at fara úr húsum sínum í Hebron, sum er á Vestara áarbakka, eftir at ísraelski herurin er farin at taka seg inn í býin og aðrar býir og bygdir har á leiðini.

Tað hendir eftir, at tveir palestinar í gjár fóru at skjóta eftir eini marknastøð nærhendis Hebron. Teir drupu tveir ísraelskar hermenn áðrenn teir sjálvir vórðu skotnir.

CNN skrivar, at ísraelar eru farnir undir at ríva niður fleiri hús hjá palestinum í Hebron.

Hendingarnar nú koma beint áðrenn tjóðartingsvalið sum verður í Ísrael týsdagin.