Eg havi ikki tosað við vermóður í longri tíð. Eg havi ikki viljað brotið hana av
- Rodney Dangerfield

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Øll vita, at politikkur kann vera stuttligur. Men viðhvørt kann tað gerast í so stuttligt. Eitt dømi er eitt lesarabræv hjá Jørgeni Niclasen í dag.

Í lesarabrævinum sigur Jørgen Niclasen, at hann vil á fólkating at yvirtaka loftrúmið. Jørgen skrivar soleiðis:

“Nú skulu vit yvirtaka loftrúmið. Í mun til verandi fólkatingsumboð, vil eitt fólkafloksumboð gera alt fyri, at hetta verður møguligt. Í Fólkaflokkinum eru vit hvørki yvirtøkuviðkvom ella ørindadreingir hjá Mette Fredriksen. Her má vend koma í.”

Hetta er ov stuttligt, tí Fólkaflokkurin hevur fleiri ferðir seinastu tíðina atkvøtt ímóti í løgtinginum, at vit skulu yvirtaka loftrúmið.

Hetta valskeiðið hevur Tjóðveldi tvær ferðir lagt fram uppskot um at yvirtaka loftrúmið. Javnaðarflokkurin og Framsókn hava báðar ferðirnar - saman við Tjóðveldi - atkvøtt fyri uppskotinum, men tíverri hevur samgongan báðar ferðir felt uppskotið.

So seint sum í apríl í ár atkvøddi Fólkaflokkurin og Jørgen Niclasen ímóti einum uppskoti at yvirtaka loftrúmið. Tað stendur jú beint her: trýst her

Meira ógreitt verður tað ikki. Ja á fólkatingi, men nei á løgtingi.

Støðan hjá Javnaðarflokkinum er, at vit vilja yvirtaka loftrúmið.

Tí hava vit atkvøtt fyri at yvirtaka loftrúmið. Og okkara fólkatingsumboð er sjálvandi partur av teimum ætlanunum.

Vit siga ja á løgtingi og ja á fólkatingi. Men fortreytin fyri at taka málið upp á fólkatingi má sjálvandi vera, at ein meiriluti er í løgtinginum.

Tað hevur tíverri ikki verið so, m.a. tí Jørgen og Fólkaflokkurin hava verið ímóti. Tá verður trupult at yvirtaka nakað loftrúm á fólkatingi.

Min áheitan á Jørgen og Fólkaflokkin er tí at taka undir við málinum í løgtinginum. Gera tit tað, so skal eg vissa Jørgen um, at okkara partur á fólkatingi ikki skal liggja eftir.

Aksel V. Johannesen

Um tú veitst okkurt, sum VP ikki veit - skriva so til vp@vp.fo