![Nevnd og stjori hja IRF skriva undir sattmalan](https://www.vp.fo/fileadmin/_processed_/0/5/csm_Nevnd_og_stjori_hja_IRF_skriva_undir_sattmalan_c4054ca8d2.jpg)
![Verkaetlanin uti i Nyggjheidum i Kvivik](https://www.vp.fo/fileadmin/_processed_/2/b/csm_Verkaetlanin_uti_i_Nyggjheidum_i_Kvivik_74d37d43bc.jpg)
![Verkaetlanin uti i Nyggjheidum i Kvivik2](https://www.vp.fo/fileadmin/_processed_/4/d/csm_Verkaetlanin_uti_i_Nyggjheidum_i_Kvivik2_81620ade96.jpg)
![Verkaetlanin uti i Nyggjheidum i Kvivik3](https://www.vp.fo/fileadmin/_processed_/5/8/csm_Verkaetlanin_uti_i_Nyggjheidum_i_Kvivik3_cd43eea9cf.jpg)
![Verkaetlanin uti i Nyggjheidum i Kvivik4](https://www.vp.fo/fileadmin/_processed_/6/6/csm_Verkaetlanin_uti_i_Nyggjheidum_i_Kvivik4_dd9f7a1ff8.jpg)
![Nevnd og stjori hja IRF skriva undir sattmalan](https://www.vp.fo/fileadmin/_processed_/0/5/csm_Nevnd_og_stjori_hja_IRF_skriva_undir_sattmalan_c4054ca8d2.jpg)
![Verkaetlanin uti i Nyggjheidum i Kvivik](https://www.vp.fo/fileadmin/_processed_/2/b/csm_Verkaetlanin_uti_i_Nyggjheidum_i_Kvivik_74d37d43bc.jpg)
![Verkaetlanin uti i Nyggjheidum i Kvivik2](https://www.vp.fo/fileadmin/_processed_/4/d/csm_Verkaetlanin_uti_i_Nyggjheidum_i_Kvivik2_81620ade96.jpg)
![Verkaetlanin uti i Nyggjheidum i Kvivik3](https://www.vp.fo/fileadmin/_processed_/5/8/csm_Verkaetlanin_uti_i_Nyggjheidum_i_Kvivik3_cd43eea9cf.jpg)
![Verkaetlanin uti i Nyggjheidum i Kvivik4](https://www.vp.fo/fileadmin/_processed_/6/6/csm_Verkaetlanin_uti_i_Nyggjheidum_i_Kvivik4_dd9f7a1ff8.jpg)
Í mai varð 2. byggistig av verkætlanini hjá IRF úti í Nýggjheiðum boðið út, og J&K Petersen vann útbjóðingina. Fyritøkan hevur eisini staðið fyri 1. byggistigi av verkætlanini, sum í høvuðsheitum fevndi um at gera økið byggiklárt.
2. byggistig skal vera liðugt í oktober 2022, og tá verður nýggja tyrvingar- og rottangaplássið hjá IRF sostatt klárt at taka í nýtslu.
Samlaða verkætlanin kostar oman fyri 100 mió. kr.
Um verkætlanina
Nýggja plássið verður úti í Nýggjheiðum í Kvívík. Staðsetingin er vald út frá tí góða og slætta lendinum, og so verður plássið eisini í hóskandi frástøðu frá bygdum øki. Nógv orka er løgd í at laga verkætlanina so væl til lendið sum gjørligt.
Nýggja plássið verður mett at kunna nøkta tørvin komandi 30 árini. Hetta skal sjálvandi takast við ávísum fyrivarni sæð í mun til samfelagsgongdina og menningina á endurnýtsluøkinum sum heild.
Arbeiðið flytur innandura
Nýggja støðin verður stór og nýmótans samanborin við tey tyrvingarplássini, sum vit kenna til í dag. Við at taka ímóti burturkasti innandura kann IRF leggja seg eftir einans at tyrva í góðum veðri og á henda hátt forða fyri, at burturkast fýkur í náttúruni.
Samstarv millum Tórshavnar kommunu og IRF
Nýggja tyrvingar- og rottangaplássið er eitt samstarv millum IRF og Tórshavnar kommunu. Verkætlanin er ikki knýtt at eini samanlegging við Tórshavnar kommunu, men eins og á nógvum øðrum økjum innan burturkast- og endurnýtslu hevur tað víst seg, at samstarvið partanna millum hilnast væl og lønar báðum pørtum.
Um tú veitst okkurt, sum VP ikki veit - skriva so til vp@vp.fo