At hepnast er at fara frá einum mistaki til tað næsta við sama ídni til tað eydnast
- Winston Churchill

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

POSTA: Síðan 2011 hevur Joel undir Leitinum verið stjóri í Posta. Nú boðar hann frá, at hann hevur gjørt av at leggja frá sær sum stjóri.

“Vegna nevndina vil eg fegin takka Joel undir Leitinum fyri avrikið og tað ídnið, sum hann hevur víst í síni tíð á Posta. Broytingarleiðin, sum Posta hevur verið á seinastu mongu árini undir leiðsluni hjá Joel, hevur hilnast sera væl. Posta er í dag fult á støði við onnur postverk og flutningsfyritøkur í heiminum,” sigur Joen Magnus Rasmussen, nevndarformaður í Posta.

“Tað hevur verið ein hendingarík tíð á Posta. Saman við starvsfólkum og leiðslutoyminum hava vit ment tænastur, tøkni og sum heild flutt felagið til eitt framúr flutningsfelag. Eg eri errin um tað felagið, eg fari frá. Tíðin er búgvin hjá mær at royna nýggjar leiðir, og eg havi tí tikið av øðrum avbjóðingum,” sigur Joel undir Leitinum.

Nevndin boðar frá, at til nýggjur stjóri er settur, verður Jógvan Joensen, fíggjarleiðari, fyribils stjóri í Posta. Jógvan varð settur í starv sum fíggjarleiðari 1. februar 2023. Jógvan tekur við starvinum 1. juli 2023.

Um tú veitst okkurt, sum VP ikki veit - skriva so til vp@vp.fo