Endamálið við allari almannahjálp átti at verið, mest møguligt, at gjørt hjálpina óneyðuga
- Ronald Reagan

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Í gjár var almenn framløga av stórari kanning um javnstøðu, sum Almanna- og mentamálaráðið, saman við Javnstøðunevndini og Demokratia, hevur biðið Fróðskaparsetrið um at gera.

- Tað skal vera mítt ynski, og mín  vón, at vit í nógv størri mun fara at hugsa og viðgera javnstøðu í øllum málum, og á øllum mótum. Ikki bert tá ið vit tosa ítøkiliga um javnstøðu, men at tilvitanin um javnstøðu sæst aftur í  øllum samfelagsviðurskiftum. Tí javnstøða er partur av fólkaræðinum. Tað at kynini eru jøvn umboðað og eru við til at taka avgerðir og mynda samfelagið er avgerandi fyri góða samfelagið. Tað er avgerandi fyri trivnað og menning. Tað vísir, at her liva vit í einum veruligum fólkaræði, og at allar røddir hava týdning og ávirkan.

Sera nógv fólk høvdu leitað sær oman í Kongshøll at lurta eftir framløgu og orðaskifti um hugburðin til javnstøðumál í Føroyum. Tað vóru teir tríggir granskararnir, Erika Anne Hayfield, Herit Albinus og Heini í Skorini, sum løgdu fram.

Frágreiðingin samsvarar í stóran mun við ta vitan, sum vit hava úr øðrum londum, men nú hava vit føroysk tøl og vitan um hetta. Tað er ikki bara gott, tað er eisini neyðugt, tá vit skulu arbeiða við javnstøðupolitiskum ætlanum og gera raðfestingar, vísti landsstýriskvinnan á.

Eftir framløguna var orðaskifti millum tey fimm; Sirið Stenberg, landsstýriskvinnu, Bjørk Mariu Kunoy, forkvinnu í Javnstøðunevndini, Niels Winther, stjóra í Vinnuhúsinum, Eriku Anne Hayfield, granskara og Martin Tvede Zachariasen, rektara á Fróðskaparsetri Føroya. Úr hvør sínum sjónarhorni lýstu tey hvørjar raðfestingar tey meta eru alneyðugar og hvørjar avbjóðingarnar eru í javnstøðuhøpi.

Fyri tey, sum arbeiða við javnstøðu, er tað ein avbjóðing, at vit vita ov lítið. Tað er ikki nokk at gita ella at halda, at vit nokk eru sum onnur lond. Vit víkja frá við okkara serstaka samfelag, og tað hevur týdning, at vit vita, hvar vit standa, tá vit fara at gera javnstøðupolitiskar ætlanir ella dagføra lóggávuna. Tí hevur tað alstóran týdning, at vit hava føroyska gransking, sum hesa, tí gleðist landsstýriskvinnan um samstarvið við Setrið, og vónar, at hetta økið verður nakað, vit koma at samstarva meira um.

Javnstøðumál eru ein áhaldandi fólkaræðislig samrøða, sum vit eiga at hava og hjúkla um í okkara samfelag. Kanska ongantíð meira enn beint nú, vísti Sirið Stenberg at enda á.

Øll røðan hjá landsstýriskvinnuni kann lesast her

Frágreiðingin kann takast niður her

Um tú veitst okkurt, sum VP ikki veit - skriva so til vp@vp.fo