Nøkur hava etið meira enn tey hava upplivað
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Merkisdagar

Lítil samkoma var nú seinnapartin á Heiminum í Vallalíð, har 
tað varð hátíðarhildið, at Kirstin Djurhuus hevur 25 ára starvsdag. Í hesum sambandi vitjaði eisini borgarstjórin, sum helt røðu fyri Kirsten. Hon segði m.a.:

- Góða Kirstin. Tú er uppvaksin í Oyndarfirði. Oyndarfjørður var rættiliga fjarskotin og avbyrgdur í tínum barnaárum, men har var nógv lív í, hóast tú helst hevur verið um 12 ára aldur, tá vegasambandið kom.

- Røsk hevur tú verið og fór fyrst í húspláss í heimbygdini, áðrenn tú flutti til Havnar. Tá tú vart liðug við húsplássini byrjaði tú sum hjálparfólk á Frítíðarheiminum við Skrivaragøtu og var har í nógv ár.

- Í januar 1989 søkti tú inn á Læraraskúlan at lesa námsfrøði og kom inn. Tú fekk fekk prógv á sumri 1992.

- Eftir tað hevur tú trúføst arbeitt hjá Tórshavnar kommunu. Fyrst sum stovunámsfrøðingur eina stutta tíð í Býlingshúsinum undir Fjalli. Eftir tað hevur tú arbeitt sum leiðari í Býlingshúsinum Millum Gilja og í Dagstovninum við Landavegin.

- Og seinastu árini hevur tú starvast her á Heiminum við Vallalíð. So samanlagt hevur tú frá sumri 1992 til í ár arbeitt í 25 ár hjá Tórshavnar kommunu.

---

- Arbeiðsfelagarnir siga um teg, at tú ert ógvuliga familju- og heimkær. Tú hevur títt heim við Villingardalsvegin, har tú hevur búð síðan fyrst í 90'unum saman við manninum Helga - áðrenn tað búðu tit á Argjum í nøkur ár.

- Tað verður sagt, at heimið hjá ttykkum altíð hevur verið opið fyri familjunum uppá báðar síður. Tað eru sostatt ómetaliga nógv, sum hava sitið væl heima hjá tykkum.

- Mamman, sum býr hjá tær, er nú 92 og eg skilji at tit hava tað fínt saman.

- Eisini hevur tú tikið familjuna hjá svogrinum - beiggja Helga - til tín og ígjøgnum tey ert tú blivin vælsignað við ommubørnum, sum tú elskar at vera saman við og vera um.

- Tínir starvsfelagar siga, at tú ert ein erligur persónur sum avgjørt ikki er bangin fyri at taka tøk.

- Tú ert eisini ein mentað kvinna, hevur áhuga fyri føroyskum dansi og Tøkum Lætt hevur eitt stórt pláss í tínum hjarta. Og so skilji eg, at títt størsta frítíðarítriv er at binda, og at tú bindur eitt plagg fyri og annað eftir.

---

- 25 ár er eitt langt tíðarskeið at virka fyri sama arbeiðsgevara og kundi bent á, at tú hevur trivist í starvinum. Men ikki minst eru slík starvsfólk ein fongur fyri kommununa, tí trúføst starvsfólk sum tú við so mongum og drúgvum royndum hanga ikki á trøunum.

- Fyri okkum í Tórshavnar kommunu hava trúføst starvsfólk ein heilt serligan týdning, tí tey eru okkara barometur í sambandi við trivnaðin á arbeiðsplássunum.

- Og eftir hesum at døma, so kann Tórshavnar kommuna ikki vera eitt so galið arbeiðspláss, segði Annika Olsen at enda, áðrenn hon handaði Kirsten gávu og blómur frá kommununi.

Fleiri myndir

Um tú veitst okkurt, sum VP ikki veit - skriva so til vp@vp.fo