Sjúkt er samfelag, har tað loysir seg best einki at eiga og einki at tíma
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Meðan aðrir flokkar ynskja at avtaka mvg á øllum gerandis- og neyðsynjavørum, hevur Sambandsflokkurin eitt vallyfti, um at lækka mvg-ið á bara føroyskt framleiddum vørum. Hetta er ein tilvitað avgerð.

Endamálið er tað sama; lægri mvg á gerandisvørum merkir, at borgarin skal gjalda minni fyri kjøt, fisk, breyð, grønmeti o.s.fr. Hetta fer at gagna hart sperdu familjunum, sum í dag stríðast fyri at fáa endarnar at røkka saman í tíðum við alsamt hækkandi prísvøkstri. Tó er tað ikki skynsamt at gera hetta á øllum vørum – bæði búskaparliga og umhvørvisliga.

Omanfyrinevnda ótrygga tíðin er nevniliga eisini tengd at veðurlagsbroytingum. Tað er umráðandi, at vit heldur eggja borgaranum at keypa lokalt framleiddar vørur – stuttflutt – og birta undir føroyska framleiðslu, og minka um umhvørvisárinini av at innflyta vørur, sum vit sjálvi kunnu framleiða, úr londum hinumeðin klótina.

Hetta sjónarmiðið verður ofta ikki tikið við í roknistykkið frá ávísum øðrum flokkum, sum annars kalla seg grønar.

Familjan skal hava ráð at liva, føroyska framleiðslan skal stimbrast og vit skulu altíð hava umhvørvið og veðurlag við í roknistykkið.

Hetta er eitt sosialt, liberalt og grønt vallyfti.

Haraldur Símunarson Hammer
valevni fyri Sambandsflokkin til løgtingsvalið

Um tú veitst okkurt, sum VP ikki veit - skriva so til vp@vp.fo