Á teim nógvu orðunum skalt tú kenna dáran
- Orðtøk Salomons

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Í november 2022 vóru góðar 8.000 gistinætur á føroysku gistingarhúsunum.

Tað er ein fjórðingur færri enn sama mánað í 2021, upplýsir Hagstovan.

Gistinæturnar vóru stívliga 2.300 færri í november 2022 samanborið við sama mánað í 2021. Færri gistu eisini í september og oktober enn somu mánaðir í 2021. Heystið hevur tí verið nakað lakari hjá gistingarhúsunum í 2022 enn í 2021.

Flestu gistingarnar eru í Tórshavnarøkinum. Í november vóru 93% av gistingunum í Tórshavnarøkinum. Tað er sama býti, sum í november í 2021.

Í november áttu føroyingar 44% av gistináttunum. Tað er 6 prosentstig hægri enn í november í 2021. Ferðafólk úr Danmark, og útlendsk ferðafólk úr øðrum londum enn Danmark áttu ávikavist 30 og 26%.

Færri innskrivingar
Innskrivingarnar vóru knapt 4.100 í november. Tað er 10% færri enn í november í 2021. Innskrivingarnar vísa talið av ferðafólkum á gistingarhúsunum, sama hvussu leingi tey gista.

Færri kømur brúkt
Nýtslustigið vísir, hvussu stórur partur av tøku kømrunum verður brúktur. 28% av kømrunum vóru brúkt í november. Tað er væl minni enn í november í 2021. Tá vóru 35% av kømrunum brúkt.

Góð 30% fleiri gistingar og innskrivingar higartil í ár
Verður hugt at samlaðu tølunum fyri januar og við november í 2022, sæst at gistingarnar og innskrivingarnar eru um góð 30% fleiri í mun til sama tíðarskeið í 2021. Hetta hóast bæði september, oktober og november hava verði lakari enn í 2021.

Um tú veitst okkurt, sum VP ikki veit - skriva so til vp@vp.fo