Høvdu forfedrarnir ikki verið skjótir á sjóvarfallinum eftir løtuvinningi, hevði mangan verið svangligt í Føroyum
- Juul Jacobsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Tíðindafundur var í kjallaranum úti í Tinganesið seinnapart síðsta fríggjadag, har Skattaumskipanin 2024 – 2025 bleiv løgd fram fyri tíðindafólkum, Føroya Skipara -& Navigatørfelag luttók á fundinum eisini.

Eftir alt sitandi samgonga hevur lóggivið Sjúkrarøktarfrøðingarnar til arbeiðis, so má samgongan sleikja síni bløðandi sár við ymiskum snildum, men spurningurin er so, hvønn ætlar samgongan hetta skal raka?

Tað var væntandi at at Sjó og fiskivinnan skal rinda gildið fyri lovaðu vallyftini, so sum skattalættar til nøkur og lønarlyft til nøkur útvald.

Sjómannafrádrotturin sum kom fyri nógvum árðum síðani, kom grundað á, at nógvir Føroyingar rímdu av landinum, tí eitt nú vóru treyturnar í t.d. Norra nógv betri enn Føroysku treyturnar. Ein Normaður hevði tá ein botnfrádrátt uppá kr. 65000,- um árið. Hetta bleiv so broytt í Føroyum til 15% av kr. 500.000,- Men sum fráleið, so bleiv hetta broytt til 14% av kr. 470.000,-

Nú ætlar samgongan at flyta fokus frá verkfallið hjá Sjúkrarøktarfrøðingunum, sum sitandi samgonga hevur lóggivið til arbeiðis aftur, vit at koma við einum skattalætta, Men hvør skal rinda?

Samgongan er samd um, at hetta skal vanligið sjómaðurin rinda, sjómannafrádrátturin skal koma niður á 14% av kr. 300.000,- hetta svarar til kr. 42.000,- um árið, samstundis sum tilfeingisgjøldini hækka, sum skiparar við manning eisini rinda bróðurpartin av, so saman um tikið, so skula skiparar og manning missa og rinda í bæði borð.

Allsamt fleiri Føroyskir fiskimenn og fiskiskiparar, sum búgva í føroyum og sum starvast í útlandinum hava longu tikið støðuna, teir flyta av landinum.

Tað er undrunarvert at okkara fólkavaldu ikki megna at hugsað aðrar inntøkumøguleikar enn at skatta seg gjørnum vallyftini, heldur enn at framleiða seg ígjørnum lyftini.

Eitt sum er fakta, landið missur meiri fyri minni, fleiri flyta av landinum grunda á ógvusligu broytingarnar í sjómannaskattinum, ímeðan vit fáa allsamt fleiri 3. lands arbeiðarar at mannað arbeiðsplássini, og hesi fólk flyta sína inntøkur mest sum 100% av landinum, so samlaða keypiorkan sum skuldi verði í Føroyum, blivur burtur, hetta er ein fakta domino effekt, sum kemur at krevja enn meiri av okkum sum eftir eru.

Føroya Skipara-& Navigatørfelag heitir á Føroya Løgting / Landsstýrið, um vit skula varðveita tað føroysku vitanina innan føroyska fiskivinnu, so latið verða við at broyta skattaskipanina fyri føroyska fiskivinnuna, men seta frádráttin aftur á 15% av kr. 500.000,-

Vinarligast
Annfinnur Garðalíð
Formaður

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo