Tað var bara ein flokkur sum var ímóti, tá danskir politikarar í kvøld tóku støðu til føroyska ynski at hava fólkatingsvalið ein dag fyrr í Føroyum enn í Danmark. Tað var flokkurin hjá fyrrverandi forsætisráðharranum, Lars Løkke Rasmussen, Moderaterne.
Løkke, sum hann vanliga verður nevndur í Føroyum, skrivar á Twitter, at hann heldur tað ikki vera so heppið, at úrslitið av valinum ikki verður greitt samstundis í øllum ríkisfelagsskapinum, tí tað skapar ein vanda fyri ávirkan.
Hann ivast eisini í, um føroyingar standa saman um ynskið at flyta valið. Og hann heldur annars eisini, at tað er "nakað rót" at valið ikki er samstundis í øllum ríkisfelagsskapinum.
Den færøske lagmand har ønsket valget gennemført en dag tidligere end i Danmark. Helt uklart om det beror på et forankret færøsk ønske. Hvis ja, så ok, selvom det er noget rod, at valgresultatet ikke offentliggøres samtidig i hele Rigsfælleskabet. Skaber risiko for påvirkning.
— Lars Løkke Rasmussen (@larsloekke) October 8, 2022
Um tú veitst okkurt, sum VP ikki veit - skriva so til vp@vp.fo