Mynd: www.jn.fo
Mynd: www.jn.fo
Mynd: www.jn.fo
07 Vestur: Tór-Ingar Akselsen hevur játtað at taka eitt afturat í svarta búnanum. 36-ára gamli sandavágsmaðurin var av týðningarmestu leikarunum í fjør.
- Tór-Ingar er av royndastu leikarunum í Vágum nakrantíð, og, at hann tekur enn eitt ár á vøllinum, hevur sjálvsagt stóra ávírkan á felagið og liðið.
- Íroknað steypakapping og altjóða dystir, hevur Tór-Ingar nærum 300 dystir á hægsta stiði, við 07 Vestur, FS Vágum og HB. Á toppskjúttalista okkara, liggur Tór-Ingar nr. 2, við 59 málum, trý aftanfyri Holgar.
- Her vesturi hevur Tór-Ingar vanliga verið at sæð frammaliga á vøllinum, men í fjør var tað meira sum verjuleikari, hann fekk roynt seg. Drúgvu royndirnar gera, at hann helst eisini kann røkja fleiri pláss.
- Vit vóna at síggja nógv til Tór-Ingar í ár, og ynskja honum hjartaliga góða eyðnu í avbjóðingunum, sum liggja fyri framman, sigur 07 Vestur.
Um tú veitst okkurt, sum VP ikki veit - skriva so til vp@vp.fo
