Støðan er spent í Moskva eftir at illa lýddi Wagner herurin, sum annars hevur barst á russiskari síðu í krígnum ímóti Ukraina, nú eftir øllum at døma hevur ella í øllum førum hóttir við at venda kanónunum ímóti Moskva.
Á boðtænastuni Telegram, sum verður nógv brúkt í bæði Russlandi og Ukraina, verður dúgliga gitt um, at Vladimir Putin, forseti, er farin í flogfari til Tver, har hann hevur eini frítíðarhús. The Guardian skrivar, at flogfarið hjá Putin er farið úr Moskva, men talsmaðurin hjá Putin, Dmitrij Peskov, vísir aftur, at Putin er farin úr Moskva.
- Hann er til arbeiðis í Kreml, sigur talsmaðurin.
Sambært týska miðlinum Der Spiegel eru eisini nógv vanlig fólk sum vilja sleppa úr býnum, og tað er trupult at keypa ein ferðaseðil við flogfari úr Moskva til eitt land, har ein sleppur inn uttan visum.
Um tú veitst okkurt, sum VP ikki veit - skriva so til vp@vp.fo
