Lions Eysturoy/Klaksvík: Lions Eysturoy/Klaksvík hava stuðlað Draganum KG 212 við 75.000 kr.
Á samkomu umborð á Draganum í gjár handaði presedenturin fyri Lions Eysturoy/Klaksvik, Tummas Lervig, skiparanum á Draganum, Kára millum Garðarnar, kekkin á 75.000 kr.
Dragin stendur fyri umvælingum á skrokkin og fer stuðulin til at kalfatra skipið seinni í summar.
Lions Eysturoy/Klaksvík hava stuðlað Draganum KG 212 fyrr við einari Iridium telefon.
Draga-menninir vóru sera takksamir fyri stuðulin og vegna teir takkaði Kári millum Garðarnar hjartaliga fyri kekkin.
Lions setur eisini stóran prís uppá tað stóra arbeiði sum er lagt í at varðveita seglskipini í Føroyum.
Um tú veitst okkurt, sum VP ikki veit - skriva so til vp@vp.fo
