Politikkur
Løgmansskrivstovan: Løgmaður er í dag farin til New York, har hann skal luttaka á 77. aðalfundinum hjá ST.
Týsdagin luttekur løgmaður, saman við flestu av heimsins leiðarum, til setanina av aðalorðaskiftinum í ST.
Umframt at luttaka í øðrum tiltøkum og fundum í samband við aðalfundinum, er ætlanin eisini, at løgmaður skal vitja virkið hjá Bakkafrost í New Jersey.
Hetta er fyrsta ferðin, at Bárður á Steig Nielsen løgmaður luttekur á ST-aðalfundi.
Um tú veitst okkurt, sum VP ikki veit - skriva so til vp@vp.fo
