Ein rapport, sum avdúkar løgregluna í London sum homofobisk, rasistisk og fíggindasinnað móti kvinnum, hevur sent sjokkbylgjur gjøgnum Bretland, skrivar danska TV 2.
Funnist verður harðliga at løgregluni í bretska høvuðsstaðnum, sum vanliga er nevnd The Met, í bretsku pressuni.
"Met Monsters" er yvirskriftin í tabloidavísini The Sun.
Og konservativa dagblaðið The Times skrivar á forsíðuni: "Álitið er fokið á rotna Met".
Tann 363 síður langa rapportin er skrivað av embætiskvinnuni Louise Casey. Hon fekk uppgávuna at skriva um kulturin í The Met í 2021, eftir at løgreglumaður var avdúkaður sum drápsmaður og neyðtøkumaður.
Tá gjørdist 33 ára gamla Sarah Everard offur fyri andstyggiligu brotsgerðini hjá løgreglumanninum Wayne Couzen.
Um tú veitst okkurt, sum VP ikki veit - skriva so til vp@vp.fo
