Fólk, sum halda seg vita alt, eru ikki til at halda út hjá okkum, sum vita alt
- Isaac Asimov

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Arbeiðs- og brunaeftirlitið, Taks og Politiið í Føroyum framdu í døgunum 19.-20. oktober 2021 eitt samskipað eftirlitsátak við útlendskari arbeiðsmegi á føroyska arbeiðsmarknaðinum, har fólk frá øllum trimum myndugleikum luttóku í ófráboðaðum eftirlitsvitjanum.

Eftirlitsátakið var framt samsvarandi samstarvsavtaluni millum myndugleikarnar, ið hevur til endamáls at hava eftirkanna um arbeiðsgevarar halda reglurnar um arbeiðsumhvørvi, arbeiðsloyvi, skatt og meirvirðisgjald.

Eftirlitsátakið, sum varð framt í Norðoya- og Suðurstreymoyar økinum, var hesaferð málrættað eftir arbeiðsplássum í byggivinnuni og framleiðsluvinnuni. Samanlagt fimm arbeiðspláss vóru vitjaði. 

Í hesum sambandi kundu myndugleikarnir staðfesta:

- at manglar vóru í arbeiðsumhvørvinum á nærum øllum arbeiðsplássunum

- at manglar og ivamál vóru við skattligu viðurskiftini á onkrum arbeiðsplássum

- at ongir manglar vóru við arbeiðsloyvum.

Myndugleikarnir eftirmeta nú hetta eftirlitsátakið og leggja til rættis komandi átøkini, har miðað verður eftir at raka so breitt sum gjørligt.

Um tú veitst okkurt, sum VP ikki veit - skriva so til vp@vp.fo